«Kökçi» şu ýyl 8 müňe golaý akkumulýatory eksport etdi
Üstümizdäki ýylyň geçen dört aýynda «Kökçi» hojalyk jemgyýeti önüminiň eksport edilýän möçberini ep-esli atdyrdy.
Ýanwar-aprel aýlarynda dürli kuwwatlykdaky akkumulýatorlaryň 7 müň 900-si Owganystana iberildi. Bu geçen ýylyň degişli döwründäkisinden 4 müň 340 sany köpdür.
Geçen ýyl şu döwre çenli 16 müň 703 sany önüm öndürilen bolsa, şu ýyl onuň mukdary 21 müň 244-e ýetdi. Ýokary hillidigi, bahasynyň elýeterlidigi ýurduň çäginde-de, ondan daşarda-da Türkmenistanda öndürilen önüme bolan islegiň artmagyny şertlendirýär.
