Türkmenistanyň Kärdeşler arkalaşyklarynyň Kerki etrap birleşmesi etrap bilim bölümi bilen bilelikde mugallymlaryň arasynda tanap çekmek boýunça ýaryş gurady.
Etrapdaky ýöriteleşdirilen 36-njy orta mekdebiň binýadynda geçirilen ýaryşa oba geňeşlikleriniň çägindäki bilim we terbiýeçilik edaralarynyň işgärlerinden düzülen ýygyndy toparlar gatnaşdy. Ýaryşda «Astanababa» topary hemmelerden üstün çykyp, birinji ornuň eýesi boldy. Ikinji, üçünji orunlary bolsa «Daşlyk» we «Hatap» toparlary eýelediler.
Bäsleşigiň ýeňijileri we höweslendiriji orunlaryň eýeleri guramaçy taraplaryň Hormat hatlarydyr ýadygärlik sowgatlary bilen sylaglanyldy.
Kerkili mugallymlar tanap çekmek boýunça ýaryşdylar
25
Apr
