Türkmenistanyň Magtymguly adyndaky Ýaşlar guramasynyň Lebap welaýat Geňeşi tarapyndan yglan edilen «Medeniýetim, sungatym — milli buýsanjym» atly döredijilik bäsleşiginiň Kerki etrap tapgyry geçirildi.
Bäsleşige Kerki etrabynyň orta mekdepleriniň 3—7-nji synp okuwçylary gatnaşyp, berkarar döwletimizi, bagtyýar çagalygy, güneşli ülkämizi wasp edýän aýdym-sazlary ýerine ýetirdiler. Bäsleşigiň netijeleri boýunça Kerki etrabyndaky 11-nji orta mekdebiniň okuwçysy Oraz Nazarow birinji orna mynasyp boldy. Etrabyň 24-nji orta mekdebiniň okuwçysy Umyt Bähbidow we 5-nji orta mekdebiň okuwçysy Yhlas Rahmannazarow bolsa degişlilikde bäsleşigiň ikinji we üçünji baýrakly orunlaryny eýelediler.
Bäsleşigiň ýeňijilerine we gatnaşyjylara TMÝG-niň Lebap welaýatynyň Kerki etrap Geňeşi tarapyndan ýadygärlik sowgatlary we hormat hatlary dabaraly ýagdaýda gowşuryldy.
