Kerkili kärendeçi borçnamasyny üstünlikli berjaý etdi
Kerki etrabynyň Osman Söhbetow adyndaky daýhan birleşiginiň ussat pagtaçylary şu ýylda 997 gektar meýdanda pagtanyň bereketli hasylyny kemala getirdiler.
Hojalygyň 3-nji kärendeçiler toparynyň ussat pagtaçysy Suraý Bekmyradowa 6,4 gektar kärende ýerinde bereketli hasyl ýetişdirip, ilkinji ýygymda meýilnamada görkezilen 33 sentnere derek her gektaryň hasyllylygyny 33,5 sentnere ýetirip, şertnamalaýyn borçnamasyny üstünlikli amal etdi.
Ol geçen ýyl hem gowaçadan ýokary hasyl alyp, guwandyryjy netijeleri gazanmagy başardy. Has takygy, her gektaryň hasyllylygyny 60 sentnere ýetiripdi. Ol şu ýyl her gektaryň hasyllylygyny 65 sentnere ýetirmegi maksat edinýär.
