Kerki etrabynyň bedenterbiýe we sport bölümi bilen bilelikde «Ýeňiş» sport toplumynda futbol boýunça ýaryş guraldy. Oňa etrabyň sport mekdeplerinde tälim alýan türgenlerden düzülen toparlaryň köpsanlysy gatnaşdy. Etrabyň 1-nji sport mekdebiniň oglanlary ýaryşyň tutuş dowamynda üstünlikli çykyş etmegi başardylar. Netijede, şu mekdebiň «Bagtyýarlyk» we «Parahatlyk» toparlary degişlilikde birinji we ikinji orunlara mynasyp boldular.
