Kerkide bir daýhan birleşigi galla borçnamasyny amal etdi
Kerki etrabynyň «Hatap» daýhan birleşiginiň zähmetsöýer adamlary etrapda ilkinji bolup döwlete bugdaý tabşyrmak baradaky şertnamalaýyn borçnamalaryny ýerine ýetirdiler.
Öňdebaryjy hojalykda kärendeçileriň 470-si bugdaý ekdi. Olaryň yhlasly zähmetleri ýerine düşdi. Kärendeçileriň ählisi diýen ýaly şertnamalaýyn borçnamalaryny üstünlikli ýerine ýetirdiler.
Daýhan birleşiginiň başlygy kärendeçileriň 1850 tonnanyň deregine 2050 tonna bugdaý tabşyryp, zähmet üstünligini has-da berkidendiklerini, gallanyň galan böleginiň hem ýitgisiz ýygnaljakdygyny guwanç bilen aýdýar.
