Kerkidäki çagalar bagynyň gurluşygy tamamlanyp barýar
«Kämil ymarat» hususy kärhanasynyň gurluşykçylary Kerki etrabynyň Gowak geňeşliginiň Gowak obasyndaky 160 orunlyk çagalar bagynyň gurluşygyny tamamlap barýarlar.
Şu günler binanyň esasy böleginiň 1-nji we 2-nji gatlarynda, hojalyk bölüminiň binasynda timarlaýyş işleri gyzgalaňly alnyp barylýar, elektrik geçirijileri geçirilýär. Esasy girelgede gurnamak, daşky arassaçylyk we suwag işleri, üçek gurnama işleri dowam edýär.
Bu ýerde gurluşykçylaryň 150-si işleýär, şeýle hem kuwwatly tehnikalaryň 7-sinden peýdalanylýar.
Işleriň agramly böleginiň ýerine ýetirilendigine garamazdan, galan wagtdan netijeli peýdalanmaga çalyşýan gurluşykçylar işleriň depginini güýçlendirýärler.
