Kerki etrap hassahasyna täze enjamlar gelip gowuşdy
Kerki etrap hassahanasyna daşary döwletlerde öndürilen döwrebap enjamlaryň 4-si gelip gowuşdy, diýip, «Türkmen gündogary» gazeti ýazýar.
Germaniýanyň önümi bolan «Cardiovit AT-1G2» elektrokardiogramma enjamy ýüregiň işleýşini barlamaga, Hytaýdan getirilen «COMEN V3» emeli dem alyş enjamy agyr hassalara emeli dem bermäge niýetlenendir. «ITD Classik», «IB19-J» wideobronhoskop hem Germaniýanyň dünýä belli enjamy bolup, ol dem alyş ýollarynyň kesellerini anyklamaga, şol bir wagtyň özünde-de bejergi etmäge ukyplydyr. Hytaýyň kolposkop enjamy bolsa ýatgynyň barlagyny geçirmäge niýetlenilendir. Bu enjamyň kömegi bilen ýatgydaky we ýatgy boýunjygyndaky näsazlyklary, hatda täze howply döremeleri has irki möhletlerde anyklap bolýar.