Jokowiç 97-nji baýragyny gazandy
Dünýäniň 1-nji belgili tennisçisi, «Uly tuwulganyň» düzümine girýän, 24 ýaryşyň çempiony Nowak Jokowiç Parižde geçirilen «Masters» ýaryşynda ýeňiji boldy.
Serbiýaly tennisçi finalda dünýäniň 17-nji raketkasy bolgariýaly Grigor Dimitrowy 2 döwde 6:4, 6:3 hasabynda ýeňdi.
Final duşuşygy 1 sagat 38 minut dowam etdi. Duşuşygyň dowamynda Nowak 6 eýs gazandy.
Şeýlelikde, Jokowiç karýerasyndaky 97-nji, şu möwsümdäki 6-njy baýragyny aldy. Onuň «Mastersdäki» ýeňişleriniň sany 40-a ýetdi.
