Ýakynda «Jeýhun» studiýasynyň, «Goşa Çynar Holdingiň» we «Türkmen tagam» naharhanasynyň ýardam bermeginde Türkmenabat şäherindäki 8-nji sport mekdebinde boks boýunça ýaryş geçirildi. Ol sportuň bu görnüşiniň görnükli wekili Mammutjan Şaripowyň hatyrasyna bagyşlandy.
Ýaryşa 2007 ― 2012-nji ýyllar aralygynda doglan ýetginjek boksçular gatnaşdy. Tutluşyklar gatnaşyjylaryň ýaş tapawudyna görä, agram derejeleriniň 10-synda geçirildi. Olarda iň ezber türgenler ýeňiji bolmagy başardy.
Tutluşyklara milli derejeli eminler Ahmet Ýazyýew, Bekmyrat Durdyýew, Wiktor Ýurtaýew dagylar eminlik etdiler. Ýeňijilere guramaçylar tarapyndan Hormat hatlar we gymmat bahaly sowgatlar gowşuryldy.
ё
