Jadyly sesleriň owazy
Berkarar döwletiň täze eýýamynyň Galkynyşy döwründe ýurdumyzda ýaş nesliň ruhubelent, berk bedenli bolmagy, aň – bilim taýdan ösmegi we terbiýesi üçin ähli şertler döredilýär. Jemgyýetçilik gatnaşyklarynyň ulgamyndaky oňyn özgertmeler bilime işjeň täsir edýär. Bilim häzirki zaman jemgyýetiniň aň – düşünje güýjüni döretmegiň kuwwatly ulgamydyr. Bilim bermegiň ýokary hilli usullaryny, dünýä tejribesini durmuşa ornaşdyrmak , okuw işiniň hilini ýokarlandyrmak ýaly döwrebap işleriň juda ýokary tizlikde alnyp barylmagy munuň aýdyň mysallarydyr. Şol sanda hem medeniýet ulgamynda berilýän bilim derejesi güýçli depginde ýokary derejelere ýetip, ýaş zehinleri ösdürmekde , milli medeniýetimizi we sungatymyzy dünýä ýaýyp, has – da ýokary belentliklere ýetirjek sungat işgärlerini ýetişdirmek ugrunda hem uly işler alnyp barylýar. Lebap welaýat çagalar sungat mekdebiniň “Fortepiano “ bölüminiň mugallymy T.Kaşaýewanyň okuwçylarynyň joşgunly çykyşlary hem munuň aýdyň subutnamasydyr. Konsertiň başynda Mehrimah Allanazarowa A.Sperontesiň “Menuet ” eserini ýerine ýetirdi. Soňra Guwanç Merdanow W.Abaýewanyň “Hüwdi” eserini we W.Mosartyň “Allegretto” eserini skripkada Daýanç Merdanow bilen bilelikde ýerine ýetirdiler. Atajan Babahanowyň ýerine ýetirmeginde bolsa T.Walliniň “Jamaýka” atly aýdymy joşgunly garşy alyndy. I.Berkowiçiň rus halk heňine wariasiýalar Aleksandra Loşşýonowanyň ýekelikde we “Aý şöhlesi” atly rus halk aýdymyny Alekseý Zemlýanoý bilen bilelikde ansambl bolup ýerine ýetirdiler. Leýli Geldiýewanyň ýerine ýetirmeginde L.Mosartyň ” Burre “ , B.Hudaýnazarowyň ” Pýesa” eseri we “On pygy” atly ukrain halk sazy ýaňlandy. A.Gedikeniň Etýudyny we F.Amirowyň “Tans “ eserini Ýulduz Söýegowa üstünlikli ýerine ýetirdi. Alekseý Zemlýanoýyň ýerine ýetirmeginde D.Nuryýewiň “Alaja pökgüjik “ T.Haslingeriň Sonatasy şeýle – de Zurab Nurmuradowyň çalmagynda N.Lýubarskiniň rus halk heňine wariasiýalar ýaňlandy. F.Burgmýulleriň Etýudyny Nurana Babajanowa we R.Gutlyýewiň “Tüýdükde çalýan oglan” atly eserini ýerine ýetirdiler. Milana Haýdarowanyň ýerine çalmagynda F.Kulaunyň Sonatina eseri ýaňlandy . Nazar Reýimow B.Hudaýnazarowyň ” Tokkata” eseri şeýle- de E.Grigyň “Per Gýunt” sýuitasyndan “Anitranyň tansy” atly eserleri ezberlik bilen ýerine ýetirdi. Konserti Sofiýa Galimowanyň ýerine ýetirmeginde G.Lukinyhyň “Ariozo “ we K.Haçaturýanyň “Pomidor” baletinden “Çippolino” eserleri jemledi. Şeýlelik bilen ezber we zehinli mugallym Tamara Kaşaýewanyň şägirtleriniň konserti gyzgynly elçarpyşmalar bilen üstünlikli tamamlandy.
Lebap welaýat çagalar sungat mekdebiniň “Fortepiano” bölüminiň
mugallymy Laçyn Kerimowa
