Informatika boýunça lebaply okuwçylar döwlet tapgyrynda öňe saýlandy

Türkmenistanyň orta mekdepleriniň arasynda geçirilen «Altyn asyryň altyn zehinleri» ders bäsleşiginiň döwlet tapgyrynda informatika dersi boýunça lebaply okuwçylar üstünlikli çykyş etdiler.
11-nji synp boýunça Köýtendag etrabynyň 4-nji orta mekdebiniň okuwçysy Ahmet Şadyýew döwlet tapgyrynda ikinji orny eýeledi. Şeýle hem Çärjew etrabynyň 22-nji orta mekdebiniň okuwçysy Maksat Mekanjanow, Köýtendag etrabynyň 4-nji orta mekdebiniň okuwçysy Aýnura Rustamowa we Türkmenabat şäheriniň 41-nji ýöriteleşdirilen orta mekdebiniň okuwçysy Batyr Umbarow döwlet tapgyrynda üçünji orunlary eýelediler. 12-nji synp boýunça Türkmenabat şäheriniň 41-nji ýöriteleşdirilen orta mekdebiniň okuwçysy Eziz Agamyradow hem-de Türkmenabat şäheriniň 28-nji ýöriteleşdirilen orta mekdebiniň okuwçysy Ýazmyrat Şemsetdinow döwlet tapgyrynda birinji orunlary eýelediler. Şeýle hem Halaç etrabynyň 7-nji orta mekdebiniň okuwçysy Mukam Nurýagdyýew we Dänew etrabynyň 19-njy ýöriteleşdirilen orta mekdebiniň okuwçysy Aýlar Rustemowa döwlet tapgyrynda ikinji orunlary, Çärjew etrabynyň 22-nji orta mekdebiniň okuwçysy Hudaýkuly Hallyýew döwlet tapgyrynda üçünji orny gazandy.