Iň uly elektrik gämisi
Hytaýyň «COSCO Shipping Greenwater 01» elektrik energiýasy bilen işleýän iň uly gämisiniň synag ýüzüşi üstünlikli amala aşyryldy. Bu äpet suw ulagynyň uzynlygy 120, ini 23,6 metre barabar bolup, dünýäde şeýle gämileriň iň ulusydyr.
Gämide ornaşdyrylan uly batareýalaryň 24-siniň kuwwaty uzak aralyga syýahat etmek üçin doly mümkinçilik berýär.
Bu gämi şol bir wagtyň özünde 185 kilometr aralygy geçmek üçin harçlanyljak 3900 kilogram ýangyjy tygşytlamaga we atmosfera taşlanýan kömürturşy gazynyň möçberini düýpli azaltmaga mümkinçilik berer.
Gäminiň ilkinji synag ýüzüşleri Şanhaý—Nankin portlarynyň aralygy boýunça amala aşyryldy.
