“Iň eýjejik gyzjagaz” bäsleşginiň Halaç etrap tapgyry geçirildi
Halaç etrabynyň 31-nji orta mekdebinde Türkmenistanyň Magtymguly adyndaky Ýaşlar
guramasynyň Merkezi Geňeşiniň hem-de Türkmenistanyň Bilim ministrliginiň bilelikde guramagynda Milli bahar baýramy mynasybetli ýurduň umumybilim berýän mekdepleriniň 2-4-nji synplarynda okaýan okuwçy gyzlaryň arasynda geçirilýän «Iň eýjejik gyzjagaz-2025» atly şadyýan bäsleşigiň etrap tapgyry geçirildi.
Gyzgalaňly geçen bu bäsleşikde I orna Halaç etrabynyň 5-nji orta mekdebiniň 3-nji synp okuwçysy Almagül Arslanowa, II orna Halaç etrabynyň 22-nji orta mekdebiniň 2-nji synp okuwçysy Merýem Gylyjowa, III orna Halaç etrabynyň 2-nji orta mekdebiniň 4-nji synp okuwçysy Melhem Akmyradowa, Halaç etrabynyň 25-nji orta mekdebiniň 3-nji synp okuwçysy Gözel Hudaýberdiýewa, Halaç etrabynyň 31-nji orta mekdebiniň 4-nji synp okuwçysy Gülnäz Çaryýargulyýewa, Halaç etrabynyň 10-njy orta mekdebiniň 2-nji synp okuwçysy Merjen Gylyjowa dagylar mynasyp boldular.
