«Iň eýjejik gyzjagaz — 2023» atly şadyýan bäsleşiginiň Lebap welaýat tapgyry geçirildi
Lebap welaýat saglygy dikeldiş okuw-terbiýeçilik toplumynda «Iň eýjejik gyzjagaz — 2023» atly şadyýan bäsleşiginiň welaýat tapgyry geçirildi. Türkmenistanyň Magtymguly adyndaky Ýaşlar guramasynyň Merkezi Geňeşi bilen Türkmenistanyň Bilim ministrliginiň bilelikde yglan eden ýurduň umumybilim berýän mekdepleriniň 2 — 4-nji synplarynda okaýan okuwçy gyzlaryň arasynda geçirilýän bäsleşige etraplarda we Türkmenabat şäherinde ýeňiji bolan gyzjagazlaryň 18-si gatnaşdy.
Bäsleşigiň jemleri boýunça Halaç etrabyndaky 9-njy orta mekdebiň 4-nji synp okuwçysy Jahan Jumadurdyýewa birinji, Çärjew etrabyndaky ýöriteleşdirilen 31-nji orta mekdebiň 3-nji synp okuwçysy Gözel Joraýewa ikinji orny eýelediler. Emin agzalary dört okuwça üçünji ony bermegi makul bildiler. Dänew etrabyndaky 32-nji orta mekdebiň 4-nji synp okuwçysy Nesibe Gamzatowa, Çärjew etrabyndaky 40-njy orta mekdebiň 3-nji synp okuwçysy Çynar Täjiýewa, Saýat etrabyndaky daşary ýurt dillerine ýöriteleşdirilen 22-nji orta mekdebiň 4-nji synp okuwçysy Melek Hanowa, Köýtendag etrabyndaky 20-nji orta mekdebiň 3-nji synp okuwçysy Jeýran Bähbidowa dagylar.
Ýeňijilere guramaçylar welaýat baş bilim müdirligi we Türkmenistanyň Magtymguly adyndaky Ýaşlar guramasynyň welaýat geňeşi tarapyndan Hormat hatlary, ýadygärlik sowgatlary gowşuryldy.
Birinji we ikinji orny eýelän gyzlar bäsleşigiň döwlet tapgyryna gatnaşmaga hukuk gazandylar.
