Hytaýly agyr atletikaçy Fabin Li Olimpiýa çempiony boldy
Hytaýly türgen Fabin Li agyr atletika boýunça Olimpiýa çempiony boldy. Ol 61 kg çenli agram kategoriýasynda türgenleriň ýaryşynda iki görnüşiň jemi boýunça 313 kg netijäni görkezip, täze Olimpiýa rekordyny goýdy.
Ilkinji synanyşykda ol 141 kg agramly ştangany göterdi, itekläp götermekde bolsa ol Olimpiýa rekordyny goýdy – 172 kg. Kümüş medala Indoneziýanyň wekili Eko Ýuli Irawan – 302 kg (137 – 165) mynasyp boldy. Bürünç medaly Gazagystandan Igor Son – 294 kg (131 – 163) aldy.
