Hytaýda ultra batareýaly uçar synagdan geçirildi
Hytaý Halk Respublikasynyň «Contemporary Amperex Technology Co. Limited (CATL)» kompaniýasynyň hünärmenleri ultra ýokary dykyzlykly batareýalar bilen işleýän häzirkizaman uçarynyň uçuşyny üstünlikli synagdan geçirdiler.
Alymlaryň şeýle uçary öndürmekleriniň esasy maksady daşky gurşawa zeper ýetirmezden, ekologiýa taýdan arassa howa gatnawlarynyň möçberini ep-esli artdyrmakdan ybaratdyr. Bu batareýalar kuwwaty boýunça «Tesla» elektrik ulaglarynda ulanylýan litiý-ion batareýalaryndan we beýleki görnüşlerden-de ýokarydyr.
Taslamanyň üstünlikli durmuşa geçirilmegi bu ýurda ekologiýa taýdan arassa awiasiýa tehnologiýalaryny ösdürmekde öňdebaryjy orunlary eýelemäge mümkinçilik berer.
