Hytaýda 3 ýaşdan 11 ýaşa çenli çagalara sanjym ediler
Hytaýda 3 ýaşdan 11 ýaş aralygyndaky çagalara sanjym edilmeli, diýlip karar kabul edildi, diýip «atavatan-turkmenistan.com» habar berýär.
Welaýat derejesindäki ýerli hökümetler koronawirusyň täze görnüşiniň ýaýramagy bilen bu düzgüni girizdi.
Syýahatçylyga ep-esli garaşly bolan demirgazyk-günbatardaky Gansu welaýaty 25-nji oktýabrdan başlap, «COVID-19»-yň täze ýagdaýlary ýüze çykarylandan soň ähli syýahatçylyk desgalaryny ýapdy. Mongoliýanyň käbir ýerleriniň ýaşaýjylaryna-da öýlerinde galmak tabşyryldy.
