Hojambaz etrap çagalar we ýetginjekler döredijilik öýünde 10 ugur boýunça 27 gurnak hereket edip, etrapdaky orta mekdepleriň binýadynda işleýän gurnaklara 1800-den gowrak çaga we ýetginjek gatnaýar. Gurnaklarda çeper el işleri, milli nagyş, haly, kilim, palas önümleriniň dokalyş usullary, bagşyçylyk, syýahatçylyk, tebigaty söýüjiler, derman ösümlikleri, otag gülleri, kompýuter dünýäsi, çeper okaýyş we tans ugurlary boýunça okuwlar geçirilýär.
Döredijilik öýünde tebigat ugurlary boýunça 35 toparda, tehniki döredijilik we sport ugurlary boýunça 40 toparda iş alnyp barylýar, soňky ugurlarda 600-den gowrak okuwçy meşgullanýar. Gurnak ýolbaşçylaryndan Menzil Rozmyradowa, Gülşat Sadykowa, Gülaram Egemowa, Tawus Öwezowa döredijilik bäsleşiklerine gatnaşyp, Menzil Rozmyradowa «Iň göreldeli gurnak ýolbaşçysy» bäsleşiginiň welaýat tapgyrynda baş baýraga mynasyp boldy.
Hojambazdaky döredijilik öýünde 1800-den gowrak çaga hünär öwrenýär
22
May
