Hojambazda dzýudo ýaryşy geçirildi
Hojambaz etrabyndaky 1-nji sport mekdebinde dzýudo boýunça 2009—2010-njy we 2011—2012-nji ýyllarda doglan türgenleriň arasynda etrabyň birinjiligi ugrunda ýaryş geçirildi.
Oňa oglan-gyzlaryň jemi 150-den gowragy gatnaşdy. Duşuşyklarda türgenler ýaş aýratynlyklaryna görä jemi agram derejeleriniň 9-sy boýunça güýç synanyşdylar.
Ýaryşyň dowamynda tejribeli tälimçiler Arslan Haýtyýewiň we Agaly Jumaýewiň tälim berýän türgenleri has şowly çykyş etdiler we baýrakly orunlaryň aglaba bölegini eýelediler.
