Himiýa zawodynyň iki aýdaky önümçiligi 40 million manada golaýlady

Türkmenabadyň S. A. Nyýazow adyndaky himiýa zawodynda fosforly dökünleri, kükürt kislotasyny, hlor heki, oksigumat, kislorod ýaly önümleri öndürmekde ýokary netijeler gazanylýar.
Himiýa kärhanasynda şu ýylyň ýanwar — fewral aýlarynda 39 million 655 müň 497 manatlyk önüm öndürildi. Bu döwürde mineral dökünleriň 4 müň 529 tonnasy, kükürt kislotasynyň hem 41 müň tonnasy taýýarlanyldy.