Türkmenistanyň Senagatçylar we telekeçiler partiýasynyň Lebap welaýat komitetiniň mejlisler zalynda partiýanyň IV hasabat-saýlaw ýygnagy geçirildi. Oňa partiýanyň işgärleri, ilkinji partiýa guramalarynyň we hususy pudagyň wekilleri, işewür zenanlar gatnaşdylar.
Türkmenistanyň Senagatçylar we telekeçiler partiýasynyň ýakynda geçiriljek gurultaýyň çäklerinde geçirilen bu ýygnakda hususy pudagyň wekilleriniň degişli hasabatlary diňlenildi, teklipler edildi. Soňra partiýanyň tertipnamasyna we düzgünnamasyna laýyklykda geçen döwrüň içinde edilen işlere seljerme berildi. Ýygnaga gatnaşyjylar partiýanyň welaýat komitetiniň ýolbaşçylaryny we derňew toparynyň başlygyny saýlamak boýunça ses berdiler.
