Harby gullukçy zenanlaryň arasynda sport ýaryşlary geçirildi
Halkara zenanlar güni mynasybetli Türkmenabat şäherindäki harby bölümleriň zenan harby gullukçylarynyň arasynda sport ýaryşy geçirildi. Sportuň dürli ugurlary boýunça geçirilen ýaryş oňa gatnaşyjylaryň başarjaňlygyny, erjelliligini, ezberligini, ussatlygyny, çydamlylygyny artdyrmaklyga we beden taýýarlygyny kämilleşdirmeklige gönükdirildi.
Geçirilen ýaryşlarda maýor Manzura Bibitowa, kapitan Kamila Seýidowa, uly leýtenantlar Şeker Ereşowa, Maral Jumageldiýewa, Güneş Hojamyradowa dagy öz başarjaňlyklaryny görkezip, beýlekilerden tapawutlanmagy başardylar.
Ýeňijilere guramaçylar tarapyndan Hormat hatlary we gymmat bahaly sowgatlar gowşuryldy.
