«Harabalykdan çykan millioner ― 2» ýolda!
Bridge7 kinokompaniýasy “Harabalykdan çykan millioner” («Миллионер из
трущоб») filminiň dowamyny çykarmaga hukuk aldy diýip, Variety habar
berýär. Bu şertnama Britaniýanyň asyl filmiň döredilmegine gatnaşan Celador
studiýasy bilen baglaşyldy.
2008-nji ýylda düşürilen bu film iň gowy film we iň gowy režissýor ýaly
baýraklary hem goşmak bilen, sekiz sany “Oskar” baýragyny aldy. Şeýle hem bu
film uly kinoteatrda ilkinji gezek çykyş eden aktýor Dew Pateliň halkara
derejesinde ykrar edilmegine sebäp boldy.
