Halajyň çagalar bakja-baglarynda döwrebap usul ornaşdyrylýar

Halaç etrabyndaky 12-nji çagalar bakja-bagynyň binýadynda welaýatyň çagalar bakja-baglarynyň terbiýeçileriniň, terbiýeçi-usulçylarynyň gatnaşmaklarynda «Mekdebe çenli çagalar edaralarynyň bakja toparlarynda usuly işleri kämilleşdirmegiň ýollary» diýen mowzukda geçirilen usuly-amaly maslahatda öwrenilen öňdebaryjy tejribäni ýaýratmak boýunça welaýatyň çagalar bakja-baglarynda dürli çäreler geçirilýär.
Şeýle çäreleriň biri Halaç etrabyndaky 3-nji çagalar bakja-bagynda geçirildi. Onda etrabyň bakja-baglarynyň öňdebaryjy terbiýeçileriniň iş usullary boýunça çykyşlary diňlenildi. Şeýle hem bu çäräniň çäginde göreldeli okuw sapaklary guraldy. Netijeli geçen çärede oňa gatnaşyjylar tarapyndan öwrenilen kämil iş usullary etrabyň çagalar bakja-baglarynda geçirilýän terbiýeçilik işlerinde peýdalanylar.