Halaçly terbiýeçiler ata-eneleriň hoşallygyny gazanýarlar

Halaç etrabyndaky çagalar baglarynda alnyp barylýan işler diňe bir gündelik terbiýeçilik bilen çäklenmän, döredijilikli mümkinçilikleriň giňden açylmagyna hem ýol berýär. 13-nji çagalar bakjasynyň ähli otaglarynda we meýdançalarynda abatlaýyş işleri ýokary derejede ýerine ýetirilipdir. Bagyň gatnaşýan bäsleşiklerde öňdäki orunlary eýelemegi, onuň işiniň netijeliliginiň beýanydyr. Bu ýerde 4 topar bolup, 120 çaga aýratyn meýilnama esasynda bilim-terbiýe alýar.
Körpelere mähir we söýgi bilen ýakynlaşýan tejribeli terbiýeçiler döredijilikde hem, sportda hem üstünlik gazanmagyna ýardam berýärler. Müşderi terbiýeçilerden Jahan Baýlyýewa, Oguljan Rozyýewa, Ogulsapar Pirgulyýewa ýalylaryň ady aýratyn agzalýar. Olaryň arasynda 27 ýyl iş tejribesi bolan Ogulsapar Pirgulyýewa ýaş terbiýeçileriň hem halypasy hasap edilýär. Çagalar onuň bilen kitapdaky nakyllaryň many-mazmunyny öwrenýärler, sport oýunlaryna gatnaşýarlar. Bagyň müdiri Jennetgül Ödenyýazowa hem körpeleriň üstünlikleriniň her güni guwançly pursatlary bagyşlaýandygyny belledi.