Halaçly okuwçy robototehnika bäsleşiginde üçünji orna mynasyp boldy

Halaç etrabyndaky 27-nji orta mekdebiň 11-nji synp okuwçysy Rozmyrat
Ýagşymyradow Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan geçirilen «Ýaş robototehnikaçy» bäsleşiginde üçünji orna mynasyp boldy.
Türkmenistanyň Bilim ministrligi bilen bilelikde guran bu çäresine ýurdumyzyň orta mekdepleriniň 7–12-nji synplarynda okaýan 100-den gowrak okuwçy gatnaşdy. Olar iki ugur boýunça işlerini görkezdiler: «Akylly öý» we «Robototehnika».
Halaçly zehinli okuwçy bäsleşigiň ikinji ugry boýunça baýrakly orna mynasyp boldy. Bu ugur boýunça birinji we ikinji orunlary Aşgabat şäherindäki dil dersleri çuňlaşdyrylyp öwredilýän ýöriteleşdirilen 97-nji orta mekdebiň 11-nji synp okuwçylary Ysmaýyl Çaryýew bilen Emirhan Gylyçmuhammedow eýeledi.
Bäsleşigiň iki ugrunyňam ýeňijilerine gymmatly bahaly sowgatlar we hormat hatlary bilen sylaglanyldy.