Halaçly kärendeçi gelin 10 gektar ýerden ýokary hasyl almagyň göreldesini görkezýär
Halaç etrabynyň «Çohpetde» daýhan birleşiginiň 11-nji kärendeçiler toparyn ýaş kärendeçisi Umida Kadyrowa şu ýyl «ak altynyň» her gektaryndan 40 sentnere ýetirip hasyl tabşyrmagy meýilleşdirýär.
Welaýat neşiriniň ýazyşy ýaly, Umidanyň ejesi Gözel gelneje bu topara ýolbaşçylyk edýär. Ol öz gyzynyň hem hakyky zähmet adamsy bolandygyna buýsanýar. Şonuň üçin hem ol Umidanyň öz adyna kärende ýeri almak baradaky kararyny ikelläp goldady. Umida häzir 10 gektar meýdana eýeçilik edýär.
Kärendeçiligiň ilkinji ýylynda her gektardan 35, geçen ýyl bolsa 38 sentner hasyl alan Umida bu ýyl kärende ýeriniň her gektaryndan 40 sentner hasyl almagy öz öňünde maksat edip goýdy. Onuň eden yhlasy ýerine hem düşdi. Ilkinji ýygymda ol şertnamalaýyn meýilnamasynyň deň ýarysyny ýerine ýetirdi.
