Halaçda ýeňil atletika boýunça ýaryş geçirildi
Ýeňil atletika boýunça Halaç etrabynyň birinjiligi ugrunda ýaş türgenleriň arasynda ýaryş geçirildi.
Etrapdaky 2-nji sport mekdebinde guralan bu sport bäsleşiklerinde oglan-gyzlar 100, 200, 400, 800, 1500, 3000 metr aralyklara ylgamak, uzynlygyna bökmek boýunça ýaryşdylar.
Ýaryşlaryň dowamynda gyzlardan Meňli Jumaýewa, Ogulsabyr Serdarowa, Tylla Batyrowa, oglanlardan Batyr Jumaýew, Wepa Möwlamow, Wepa Muhamow iň ýokary netijeleri görkezmegi başardylar.
Ýeňijiler etrap birleşmäniň adyndan ýadygärlik sowgatlary bilen sylaglandy.
