Halaçda geçen aýda 483 inedördül metr haly dokaldy
Halajyň çeper halyçylyk kärhanasynyň halyçylary Halkara parahatçylyk we ynanyşmak ýylynyň ilkinji aýyny zähmet üstünliklerine beslediler.
Ýanwar aýynda bu ýerde 483 inedördül metr haly dokaldy. Şeýlelikde, edilen iş 1 million 609 müň 700 manatlyga barabar boldy. Önümleriň buýrujylaryň isleglerini birkemsiz kanagatlandyrmagy üçin halyçylar yhlaslaryny gaýgyrmaýarlar. Kärhanada eli çeper gelin-gyzlaryň 2000-den gowragy zähmet çekýär. Geçen ýyllarda gelin-gyzlaryň 30-dan gowragy yhlasly we döredijilikli zähmetleri üçin «Türkmenistanyň at gazanan halyçysy» diýen hormatly ada mynasyp boldy.
