Halaçda 4,7 müň inedördül metr haly dokaldy
Halajyň çeper halyçylyk kärhanasynyň halyçylary şu ýylyň ýedi aýynda 4748 inedördül metr haly we haly önümlerini öndürdiler. Pul hasabynda alanyňda munuň özi 12 million 32 müň 140 manatlyga barabardyr.
Ýurduň çar ýanyndan gelýän buýurmalar artdygysaýyn halyçylaryň önümçilik depgini hem güýçlenýär. Kärhananyň ýolbaşçysy Çary Seýitnyýazow bu ýerde ussat halyçylaryň yhlasly zähmetleriniň hasabyna isleglere görä halylaryň dürli görnüşleriniň öndürilýändigini aýdýar. Gelin-gyzlaryň dokaýan halylary ýokary hili bilen tapawutlanýar.
Şu günler çeper elli halyçylar ýurt Garaşsyzlygynyň 33 ýyllyk şanly toýuny mynasyp zähmet üstünlikleri bilen garşylamak üçin yhlaslylyk görkezýärler.
