Türkmenistanyň Gyzyl Ýarymaý Milli jemgyýetiniň welaýat bölümi Türkmenistanyň Magtymguly adyndaky Ýaşlar guramasynyň Türkmenabat şäher geňeşi bilen bilelikde «Bagtyýarlyk» çagalar sagaldyş we dynç alyş merkezinde dynç alýan çagalaryň arasynda bäsleşik gurady.
Raýat goranyşynyň ähmiýeti we dürli görnüşli adatdan daşary ýagdaýlarda özüňi alyp barmagyň howpsuzlyk düzgünleri boýunça geçirilen bu bäsleşige gatnaşyjylar şahsy gorag serişdelerini, ýeňil gorag eşigini tiz we dogry geýmek, ýangyn howpsuzlygynyň kadalaryny düşündirmek boýunça öz aralarynda ýaryşdylar.
Bu ähmiýetli çäräniň çäklerinde çagalaryň sagdyn ýaşaýyş ýörelgesi baradaky bilimlerini kämilleşdirmek maksady bilen, olara adatdan daşary ýagdaýlarda özüňi alyp barmagyň kadalary barada düşünje berildi. Bu çärelere işjeň gatnaşanlara guramaçylar tarapyndan ýadygärlik sowgatlary gowşuryldy.
