Güýz peýzažy boýunça surat bäsleşigi geçirildi
Türkmenistanyň Tebigaty goramak jemgyýetiniň welaýat bölümi Agrar
partiýanyň Çärjew etrap komiteti bilen bilelikde welaýat ýörite sungat we
welaýat maliýe-ykdysady orta hünär okuw mekdepleriniň talyp ýaşlarynyň
arasynda tebigatyň altyn güýzdäki görnüşlerini suratlaryň üsti bilen wasp
etmek boýunça döredijilik bäsleşigini geçirdi.
Onuň dowamynda çeperçilik ezberligi bilen öňe saýlanan talyplaryň eserlerine
syn berlip, olaryň arasyndan iň gowulary saýlanyldy. Ýeňiji bolanlara etrap
komitetimiz tarapyndan ýadygärlik sowgatlary gowşuryldy.
