Gender deňliginiň meseleleri ara alnyp maslahatlaşyldy
ÝHHG-niň Aşgabatdaky Merkeziniň guramagynda Türkmenabat şäherinde harby we hukuk goraýjy edaralaryň işgärleriniň Gender deňligi meselelerine garaýyşlaryny birleşdirmek boýunça habardarlygyny ýokarlandyrmaga bagyşlanan «tegelek stoluň» başynda söhbetdeşlik geçirildi, diýip «Türkmen gündogary» gazetinde habar berilýär.
«Tegelek stoluň» başyndaky söhbetdeşlikde Türkmenistanyň gender deňligini üpjün etmäge gönükdirilen syýasatynyň amala aşyrylyşy, bu ugurda Türkmenistanyň halkara borçnamalaryny mazmunynda jemleýän milli meýilnamalary, zenanlaryň ykdysady, durmuş, medeni hukuklaryny giňeltmekde Türkmenistanyň Zenanlar birleşiginiň orny we täsiri baradaky çykyşlar welaýatyň harby we hukuk goraýjy edaralarynyň işgärleriniň gozgalan meseleler boýunça düşünjelerini berkitdi.
