Garagum etrabyndaky muzeýde eksponatlaryň sany ilatyň tabşyrýanlarynyň hasabyna köpelýär
Garagum etrabynyň medeniýet öýünde şu ýyl döredilen döredilen taryhy muzeýde muzeýdäki milli gymmatlyklaryň sany 1500-den hem geçýär.
Etrabyň ýaşaýjylary, şeýle-de Mary welaýatyň dürli sebitlerinde ýaşaýan raýatlar dürli döwürlere degişli küýzeleri, keramiki önümleri, gap-gaçlary, nepis türkmen halylarynyň gadymdan galan nusgalaryny hem-de gaýry gymmatlyklary muzeýe getirip tabşyrýarlar. Etrabyň Ak meýdan geňeşliginde ýerleşýän 16-njy orta mekdebiň türkmen dili we edebiýaty mugallymy Utamyş Ataýew bu muzeýe 35 sany küýze we başga-da birnäçe gadymy gymmatlyklary tabşyrypdyr. 1888-nji ýylda doglan, entek gulpaklyja gyzjagaz wagty haly dokamagy öwrenen Ogulnäzik Muhyýewanyň dokan halysynyň bir bölegi hem muzeýiň görnükli ýerinde ýerleşdirilipdir. Bu gadymy haly bölegi gölüniň aýratynlygy bilen tapawutlanýar.
