«Gara altynyň» gaýtadan işlenilýän möçberleri artýar
Seýdiniň nebiti gaýtadan işleýän zawodynda şu ýylyň ýanwar―oktýabr aýlarynda çig malyň 411,4 müň tonna golaýy gaýtadan işlenilip, degişli meýilnama 112,7 göterim ýerine ýetirildi. Şonça çig maldan dürli nebit önümleriniň 380,6 müň tonna golaýy öndürildi we meýilnama 112 göterime golaý berjaý edildi. Harytlyk önümleriň 208,8 müň tonnasy benzin, 104 müň tonna golaýy dizel ýangyjy, 33,8 müň tonnadan gowragy agyr wakkum gazoýly, 28,2 müň tonnadan gowragy ýol bitumy we beýleki önümlerdir. Bu görkezijiler meýilnama bellenilenden ep-esli artykdyr. Taýýar harytlyk önümleriň belli bir bölegi daşary ýurtlara eksport edildi.
