«Galkynyş» toparynyň Türkmenabatdaky çykyşlary tamamlandy
Düýn ― 7-nji martda Türkmenabat şäherinde «Galkynyş» milli at üstündäki oýunlar toparynyň Türkmenistanyň Döwlet we Arkadag şäheriniň Görogly adyndaky döwlet atçylyk sirkleri bilen bilelikdäki üç günlük çykyşlary tamamlandy.
Üç günüň dowamynda Lebap welaýatynyň ýaşaýjylary täsirli çykyşlara uly gyzyklanma bilen tomaşa etdiler.
Sirk ussatlarynyň çykyşlary indi Halkara zenanlar gününiň dabaralaryndan soň Mary şäherindäki «Türkmeniň Ak öýi» binasynda dowam eder.
