Gabbiýa ”Milan” bilen şertnamany uzaltmak isleýär
“Milanyň” merkezi goragçysy Matteo Gabbiýa klub bilen şertnamasyny uzaldyp biler. Bu barada žurnalist Fabrisio Romano habar berdi.
Çeşmä görä, täze şertnama başga bir möwsüme, ýagny 2029-njy ýylyň iýun aýyna çenli uzaldylyp bilner.
Futbolçynyň agenti: “Gabbiýa hem “Milan” bilen täze şertnama baglaşmakdan diýseň hoşal, ýöne biz entek ara alyp maslahatlaşmadyk” -diýdi.
24 ýaşly Gabbiýa “Milanyň” okuwçysy hasaplanýar. Ol bu möwsümde “rossoneriler” düzüminde jemi alty duşuşykda meýdana düşdi we bir pökgi geçirdi. Italiýaly futbolçynyň klub bilen häzirki şertnamasy 2026-njy ýylyň tomsuna çenli baglaşylandyr. “Transfermarkt” goragçynyň bahasyny 8 million ýewro diýip bahalaýar.
