Futzal ýaryşynda ýarymfinalçylar belli boldy

Futzal boýunça türkmenabat şäheriniň kubogy ugrundaky ýaryşda dördünji we bäşinji tapgyryň duşuşyklary geçirilip, ýarymfinalçylar belli edildi. Dördünji tapgyrda «A» toparçada «Bäş dogan» topary «Amuly» 10:9 hasabynda, «Köpetdag-Lebap» bolsa «Faraby» 6:2 hasabynda ýeňdi. «B» toparçanyň duşuşyklarynda «Bagtyýarlyk» «Amyderýadan» 10:5, «Jeýhun» bolsa «Kerki» toparyndan 4:1 hasabynda üstün çykdy.
Bäşinji tapgyryň çäklerinde «A» toparçasynda «Bäş dogan» topary
«Köpetdagy» 4:3 hasabynda ýeňip, ýaryşyň toparçalaýyn bölegini utulyşsyz tamamlady. Şeýlelikde, topar ýarymfinal tapgyryndaky ýerini hem berkitdi. Bu toparçanyň ugurdaş duşuşygynda «Gurluşykçy» topary Farap şäherinden gatnaşýan futzalçylary 12:3 hasabynda ýeňdiler. «B» toparçadaky duşuşyklarda bolsa «Jeýhun» «Amyderýadan» 7:3, «Zara» topary Kerki şäherinden gelen futzalçylardan 4:1 hasabynda üstün çykdylar.
Şeýlelikde, 21-nji dekabrda geçiriljek ýarym final duşuşyklarynda «Gurluşykçy» bilen «Zara», «Bagtyýarlyk» bilen «Bäş dogan» toparlary güýç synanyşarlar. Şol günüň ertirligi ― 22-nji dekabrda üçünji orun ugrundaky we Kubogyň eýesini kesgitlejek final duşuşyklary geçiriler.
Ýaryşyň ähli duşuşyklarynyň Türkmenabat şäherindäki 1-nji sport mekdebinde geçirilýändigini ýatladýarys. Ýaryşyň ýarymfinal we final tapgyrlaryna tomaşa etmek isleýän futzal janköýerlerine duşuşyklaryň 21-nji we 22-nji dekabr günlerinde sagat 11:00-da we 12:00-da başlanjakdygyny habar berýäris.