Futbol boýunça milli ýygyndymyz möhüm duşuşyga taýýarlyk görýär

Türkmenistanyň futbol boýunça milli ýygyndysy Aziýa-2027 Kubogynyň saýlama oýunlarynyň ikinji tapgyrynyň öňýanynda türgenleşik işlerine girişdi.
«Nusaý» stadionynda dowam edýän türgenleşik işlerinde milli ýygyndymyzyň oýunçylary türgenleşik işlerini iki wagtyna geçirýärler. 9-njy iýuna çenli dowam etjek türgenleşik ýygnanyşygynyň dowamynda ýygyndy toparymyzyň oýunçylary beden taýýarlygyna hem-de taktiki seljermelere gatnaşarlar.
Türgenleşik ýygnanyşygynyň dowamynda milli ýygyndymyza çagyrylan 30 oýunçynyň 23-si Tailandyň ýygyndy toparynyň garşysyna geçiriljek duşuşygyň gutarnykly sanawyna düşer. Milli ýygyndymyzyň baş tälimçisi Röwşen Meredowa türgenleşik işlerinde Dawid Sarkisowyň, Aziz Kambarowyň, Orazberdi Myradowyň hem-de Pawel Matusyň kömekleşýändiklerini bellemek gerek.
Ýeri gelende bellesek, Türkmenistanyň futbol boýunça milli ýygyndysy Aziýa-2027 Kubogynyň saýlama tapgyryndaky ikinji duşuşygyny Tailandyň milli ýygyndysynyň garşysyna geçirer. Bu duşuşyk 10-njy iýunda paýtagtymyzdaky “Aşgabat” köpugurly stadionynda geçiriler. Duşuşyk Aşgabat wagty bilen 20:00-da başlanar.