Futbol boýunça Mary welaýatynyň birinjiligi geçirildi
Murgap etrabynyň «Murgap» sport desgasynda futbol boýunça 2005-2006-njy ýyllarda doglan türgenleriň arasynda Mary welaýatynyň birinjiligi ugrunda ýaryş geçirildi. Ýaryşa Mary, Baýramaly şäherleriniň, Murgap, Türkmengala, Ýolöten, Sakarçäge etraplarynyň sport mekdepleriniň toparlary hem-de «Köpetdag» topary gatnaşdy. Ýaryşyň netijeleri boýunça Mary şäheriniň topary 1-nji, Türkmengala etrabynyň topary 2-nji, Mary şäheriniň 2-nji sport mekdebiniň topary bolsa 3-nji orna mynasyp boldy. Öňe saýlanan toparlara Mary welaýatynyň Bedenterbiýe we sport baradaky baş müdirliginiň Hormat hatlary gowşuryldy.