SPORT WE SYÝAHAT

Futbol boýunça Lebap welaýatynyň birinjiligi geçirildi

2010—2011-nji ýyllarda doglan oglanlaryň arasynda futbol boýunça Lebap welaýatynyň birinjiligini almak ugrundaky ýaryşlar tamamlandy. Oňa Türkmenabat şäherinden we etraplardan 13 topar gatnaşdy.

Toparlar dört toparça bölünip, duşuşyklar aýlaw görnüşinde geçirildi. Netijede «Türkmenabat — 1», «Türkmenabat — 2», «Köpetdag — Lebap» we «Kerki» toparlary öňe saýlandylar. Ýarym final duşuşygynda «Türkmenabat —1» «Kerki» toparyndan 5:1 hasabynda üstün çykyp,  finala çykdy. «Köpetdag— Lebap» bolsa «Türkmenabat — 2» topary 3:1 hasabynda utdy. «Türkmenabat —1» final duşuşygynda «Köpetdag— Lebap» toparyny 1:0 hasabynda ýeňip, birinji orna we welaýatyň futbol federasiýasynyň kubogyna mynasyp boldy. «Köpetdag— Lebap» ikinji orna mynasyp boldy. Deň utuk toplan «Kerki» we «Türkmenabat — 2» toparlary bolsa üçünji orny eýelediler.

Ýeňijilere Lebap welaýatynyň sport we ýaşlar syýasaty baş müdirliginiň Hormat hatlary we degişli medallar gowşuryldy.

Понравилась статья? Поделиться с друзьями: