Farapda “Ýol hereketiniň howpsuzlygy — ömrümiziň rahatlygy” biraýlygy dowam edýär

Farap şäherinde «Ýol hereketiniň howpsuzlygy — ömrümiziň rahatlygy» atly biraýlygyň çäklerinde düşündiriş we wagyz-nesihat işleri alnyp barylýar. Bu çäreler şäher hassahanasynda, etrabyň orta mekdeplerinde, medeniýet merkezinde we hususy ulaglaryň eýeleriniň arasynda guralýar. Duşuşyklary geçirmäge saglygy goraýyş işgärleri hem-de jemgyýetçilik edaralarynyň wekilleri gatnaşýarlar.
Geçirilýän çärelerde ýol hereketiniň düzgünlerini berjaý etmegiň möhümdigi, ulularyň çagalara görelde bolmalydygy aýratyn nygtalýar. Sürüjilere belgileriň we ýol-ýer yşyklarynyň görkezmelerine berk eýermek, ýol hereketiniň kadalaryny doly ýerine ýetirmek tabşyrylýar. Biraýlygyň dowamynda şeýle wagyz-nesihat işleri dowam etdirilip, duşuşyklarda öňünden taýýarlanan wideogörnüşler we slaýdlar peýdalanylýar.