Farap şypahanasynda dabaraly maslahat geçirildi

Farap şypahanasynda «Bedew batly ösüşleriň beýany» atly dabaraly maslahat geçirildi. Çäre Arkadagly Gahryman Serdarymyzyň baştutanlygynda ýurdumyzda amala aşyrylýan giň gerimli işler hem-de ulag-kommunikasiýa ulgamynda gazanylýan üstünlikler mynasybetli guraldy.
Maslahatda çykyş edenler Türkmenistanyň möhüm ulag-üstaşyr merkezine öwrülýändigini bellediler. Şeýle-de ýakynda ulanmaga berlen täze ýokary tizlikli awtomobil ýolunyň ykdysady we durmuş taýdan ähmiýeti barada çykyşlar edildi. Çärä gatnaşyjylar ýurdumyzda durmuşa geçirilýän giň gerimli işleriň halkyň abadançylygyna gönükdirilýändigini nygtadylar.