Farap etrabynda 390 gektardan gowrak meýdana gök we bakja ekinlerini ekmek göz öňünde tutulýar
Farap etrabynda şu ýyl 390 gektar meýdana gök we bakja ekinleriniň ýazky sortlaryny ekmek meýilleşdirilýär. Onuň 80 gektaryny ýeralma, 50 gektaryny pomidor, 3 gektaryny hyýar, 100 gektaryny sogan, 10 gektaryny kelem, 150 gektaryny bakja önümleri eýelär.
Eýýäm bu ýerde ýeralmanyň we soganyň ekişi tamamlandy. Faraply daýhanlar şu ýylyň tomsunda 1 müň 120 tonna ýeralma we 2 müň 500 tonna sogan almagy meýilleşdirýärler.
Şu günlerde beýleki ekinler üçin hem ýer böleklerini taýýarlamak dowam edýär. Daýhanlar etrabyň we welaýat merkeziniň söwda nokatlaryna tomusda 1 müň 250 tonna pomidor, 60 tonna hyýar, 250 tonna kelem, şonuň ýaly-da 3 müň tonna gawun, garpyz we kädi ibermek göz öňünde tutulýar.
