Erkin göreş boýunça Saýat etrabynyň açyk birinjiligi geçirildi
Saýat etrabyndaky 6-njy sport mekdebinde erkin göreş boýunça etrabyň birinjiligi ugrunda açyk çempionat geçirildi.
Ýaryşa türgenleriň 70-den gowragy gatnaşyp, agram derejeleriň 9-sy boýunça öz aralarynda güýç synanyşdylar.
Ýaryşyň netijeleri boýunça Allanur Ýegenow 35, Aýmyrat Saparow 38, Ahmet Ezizow 41, Resul Jumadurdyýew 44, Begenç Weliýew 52, Perhat Agajanow 57, Azat Akmämmedow 62, Şatlyk Çaryýew 65, Söhbet Pederow 71 kilograma çenli agram derejeleri boýunça birinji orny eýelediler.
Ýaşlaryň nobatdaky üstünliklerinde tälimçiler Geldimyrat Aşyrowyň we Ýolly Gurbangeldiýewiň mynasyp paýy bar.