Ekologiýa boýunça III Internet olimpiadasynyň ýeňijileri belli boldy

Seýitnazar Seýdi adyndaky Türkmen döwlet mugallymçylyk instituty tarapyndan ýurduň orta mekdepleriniň okuwçylarynyň arasynda ekologiýa dersi boýunça geçirilen III Internet olimpiadasy jemlenji. Bäsleşige 11-nji we 12-nji synplaryň okuwçylary gatnaşdy.
Bäsleşige gatnaşan okuwçylaryň 47-si baýrakly orunlara mynasyp boldy. Her synp boýunça okuwçylaryň 8-si birinji orna mynasyp görüldi.
Has takygy, 11-nji synp okuwçylarynyň arasynda Tejen etrabynyň 33-nji orta mekdebinden Döwletmyrat Nurmyradow, Halaç etrabyndaky 25-nji orta mekdebinden Amangül Rahmanowa, Sakarçäge etrabyndaky 43-nji orta mekdebinden Humaý Çarykulyýewa, Tejen etrabyndaky 33-nji orta mekdebinden Gyzylgül Muhammetnazarowa, Ýolöten etrabyndaky 40-njy orta mekdebinden Arzuw Seýitgulyýewa, ýene şol mekdepden Enegül Dudakowa, Mary şäherindäki 2-nji orta mekdebinden Atajan Hudaýnazarow, Sakarçäge etr5abynyň Şatlyk
şäherindäki 43-nji orta mekdebinden Meýrem Amannazarowa, 12-nji synp okuwçylarynyň arasynda Dänew etrabyndaky 27-nji orta mekdebinden Arslan Genjiýew, Aşgabat şäherindäki S.Türkmenbaşy adyndaky ýöriteleşdirilen umumybilim berýän mekdep-internetiniň okuwçysy Gülnar Ballyýewa, Aşgabat şäheriniň Bagtyýarlyk etrabyndaky 140-njy orta mekdebiniň okuwçysy Baýdurdy Geldiýew, Arkadag şäherindäki iňlis diline ýöriteleşdirilen 2-nji orta mekdebiniň okuwçysy Ogultäç Öwezowa, Gökdepe etrabyndan Ejeş Agajykowa, Babadaýhan
etrabyndaky iňlis dili we takyk okuw derslerini çuňlaşdyryp öwredýän mekdebinden Laçyn Garaýewa we Murgap etrabyndaky 36-njy orta mekdebinden Nedir Batyrow dagylar birinji orna mynasyp boldy.