Lebap welaýatynyň pagta arassalaýjy kärhanalarynda tohumlyk gowaça çigidiniň 15 müň tonnadan gowragy taýýar edildi. Bu görkezijini gowaça ekişine girişilýänçä 21 müň tonna ýetirmek maksat edinilýär. Şonça tohumlyk çigidiň 13 müň tonna golaýyny Lebap welaýatynda ekiş üçin peýdalanmak göz öňünde tutulýar. Meýilnama goşmaça taýýarlanýan tohumlyk çigit ätiýaçlyk, şeýle-de ýurdumyzyň beýleki welaýatlarynyň pagtaçylary üçin niýetlenendir. Geljek möwsümde ekin meýdanlaryna gowaçanyň « Ýolöten-7», «Ýolöten-39», «S-2606» görnüşleri köpçülikleýin ekiler.
