Düzzüm boýunça welaýat birinjiligi geçirildi
Türkmenabat şäherindäki 13-nji sport mekdebinde 16 ýaşly we ondan kiçi mekdep okuwçylarynyň arasynda düzzüm boýunça welaýatyň birinjiligi geçirildi.
Oňa Türkmenabat şäheriniň we Saýat, Dänew, Çärjew etraplarynyň toparlary gatnaşdylar. Gyzlaryň arasynda geçirilen ýaryşda Dänew etrabyndaky 17-nji orta mekdebiň okuwçysy Mähri Aýmakowa taý tapylmady. Welaýat merkezindäki 9-njy orta mekdepden Nigina Çaryýewa hormat münberiniň ikinji basgançagyna çykdy. Ýeňijileriň üçlügini Çärjew etrabyndaky 4-nji orta mekdebiň okuwçysy Dilnaza Jumanyýazowa jemledi.
Oglanlaryň arasynda bolsa türkmenabatly mekdep okuwçylary Gaýrat Bahtiýarow bilen Amir Öwezow ilkinji iki orny eýelediler. Üçünji orna bolsa Saýat etrabyndaky 29-njy orta mekdepden Ylham Arslanow mynasyp boldy.
Welaýat birinjiliginiň ýeňijilerine guramaçylar tarapyndan Hormat hatlary we gymmat bahaly sowgatlar gowşuryldy.
