Düzzüm boýunça Lebap welaýatynyň çempionaty geçirildi

Türkmenabat şäherindäki 9-njy orta mekdepde düzzüm boýunça welaýatyň birinjiligini gazanmak ugrunda ýaryşlar guraldy. Şahsy görnüşde geçirilen ýaryşlarda 14 we şondan kiçi ýaşly oglan-gyzlar bu oýny oýnamakda öz başarnyklaryny görkezdiler.
Duşuşyklaryň dowamynda türkmenabatly we saýatly türgenler aýratyn tapawutlanmagy başardylar. Olardan Türkmenabat şäherindäki 13-nji sport mekdebiň türgenleri Sanjar Awezow, Umit Haýitow, Selbi Maşaripowa we Aýnura Bazarbaýewa baýrakly orunlary eýelediler. Saýatly türgenler Rozymbaý Yhtyýarow we Nurana Kakajanowa hem gowy netijeleri görkezip, üçünji orna mynasyp boldular.